XOGOS TRADICIONAIS

                          

VILLARDA:  Cómpren dous paus, un grande e outro pequeno. Petábase no pequeno para que saltara.

RAIA:  Faise un cadro con seis casiñas. Sáltase a pata coxa empurrando unha pedra plana, sen pisar as liñas que separan as casiñas.

BONECAS:  As bonecas facíanse con pelo de millo verde e vestíanse con trapiños.

BOTELLA:  Cómpre un aro de metal atado a unha corda e a corda a un pau. Débese atinar co aro no pescozo da botella.

TIRACROIOS:  Un pau con forma de forquito, unha goma e... a tirar.

XOGOS con materiais naturais como follas de castiñeiro, canas de bambú ou varas de salgueiro, facían as delicias dos máis pequenos.

QUE SABES DA ULLOA?

 O alumnado propuxo as seguintes preguntas sobre a Ulloa:

1.- Que dous produtos gastronómicos destacan na comarca?

2.- En que concello ulloano se atopa o Castelo de Pambre?

3.- E a Torre  de Amarante?

4.- Quen gañou o rally 2011 da comarca da Ulloa?

5.- Que concello ulloano alberga un centro peninteciario?

6.- Que curso leva o río Ulla polas terras da Ulloa?

7.- En que monte seoanense se atopan os famosos petroglifos?

8.- En que lugar nace o río Ulla?

9.- A que ducado pertence a Torre de Penas?

10.- Que parroquia monterrosina atravesa o Camiño de Santiago francés?

11.- A que poeta monterrosino lle foi dedicado o ano das Letras Galegas?

12.- En que lugar da parroquia monterrosina de Ligonde se atopa o cruceiro máis emblemático do camiño francés?